How to Start Notebook Manufacturing Business?

0
84

Jab pahli baar hamne likhana padhana shuroo kiya tha, tab se lekar school, collage, office, personal working, dairy writing, hisaab kitaab aur daily life mein na jaane kitane dafe hamen notebook ya copy ki jaroorat padti hai paanch rupay se lekar sau do sau rupaye tak ki notebook aapko market mein mil jayegi.

Aaj kal to customize notebook bhi milne lage hain aap apna photograph bhi notebook ke kavar par lagava sakte hain market mein branded notebook se lekar ke local manufacturing karne vaale notebook available hai aur sabka apna customer base hai.

Toh aaj QuizerKing ke is article mein janiye notebook ya copy manufacturing business ke baare mein agar blog par aaj aap naye naye aaye hai to hamare blog ko follow kar lijiye aur notification on kar lijiye.

Chaliye shuroo karte hain apne desh mein students ki sankhya 20 crore se bhi jyaada hai aur ye ek badee aabaadee hai jinhen apne student life mein notebook aur copy chaahiye hi agar baat kare indian stationery market ki to anumaan lagaya gaya hai ki 2018 se 2024 tak india ke stationery market 10.5% percent rate se har saal aage badhegi.

how-to-start-notebook-manufacturing-business

Notebook Manufacturing Business kaise shuru karen?

School ke alava bhi sarkari aur private office work ke liye alag alag tarah ke notebooks ki jarurat padti hai isliye inki requirement khatam nahin hone vaali hai.

Company Registration  & License

Baat karen notebook manufacturing business ko shuru karne ki to jaruri license jo aapko chaahiye honge vah hai trade license, Registration of business yani usamen company ka naam management ki details aur the business bataana padega.

business aap private limited company, one person company, limited loyalty partnership ya Firm partnership ke andar karenge usee lihaaj se apko company resgiter karwaani padegi aur agar in sabki smjh apko nahin hai to QuizerKing pe apko company registration ka article jald mil jayega iske alava aap kisi CA ki help bhi le sakte hain to kam asan ho jayega.

Central government ke MS&ME department me registration karava lijiyega aur udyog aadhaar apply kar dijiyega udyam registration karwayenge toh government scheme mein subsidy bhi apply kar payenge.

Apni company chalaane ke lie apko apne rajya mein state pollution control board se no objection certificate yani NOC leni hogi ki aap paryaavaran ko dooshit nahin kar rahe hain aur pollution control board manaako ko maan rahe hain.

Iske baad apna trademark registration bhi karava lijiyega taaki apke naam se koi aur dusri company na khul jaye, ya phir koi apke copyright products ko copy na kar payen, kisi bhi business ke liye tax bharna jaruri hai to ITR time par file kijiyega.

Notebook Business Start Karne Ke Liye Kitne Paise or Required Machines Lagengi?

Time period ki baat karen to notebook manufacturing ka setup lagane ke liye kam se kam chaar se paanch mahine ka time to lag hi jaata hai vo aise ki license ka process poora karane mein maheene se dedh maheene lag jaenge, uske baad agar apke paas business capital ki kami hai to aap bank loan lenge ya investor dhoondhenge isme bhi do se teen mahine lag jayenge.

Loan section hone ke baad machinery aur jaruri tools liye jayenge to sari chije bahut jaldi bhi hui toh chaar se paanch mahine aaraam se lag jayenge, investment ki baat karen to ye standard notebook manufacturing unit lagaane se kam se kam 40 se 50 lakh rupaye chahiye, fully functional unit ke liye jaruri sabhi machines kafi mahenge aate hain.

Machine ki keemat bhi fully automatic ya semi-automatic pe depend karegee uske baad registration, raw material, salary of employees, branding, marketing, electricity or transportation aur baki kharche mila karke itna to ho hi jaayega.

Business shuru karne ke baad bhi establish hone tak aur profit aane tak ka kharcha bhi owner ko hi uthaana padata hai toh backup ke taur par bhi kuchh capital apko apne hath mein rakhni hoti hai kyonki notebook paper se bante hain aur paper badi jaldi aag pakadata hai to safety ke lie aap apni unit mein fire extinguisher bhi jaroor rakhen aur ho sake to insurance karva lijiye, taki koi unfortunate accident hone pe apki recovery ho sake.

Baat karen profit ki to 150 se 200 pages wale ek notebook par 80 se 100 rupee ka kharcha aa jaata hai, jise aap 30 se 40 se rupaye jyaada keemat par bech sakate hain. raw material ki baat karen to notebook banaane ke lie sabse jaruri jo 3 cheejen chaahie hotee hai vo hai blank paper sheets jo 60 se 70 rupay per kg mil jayengi, hardboard jo 1 se 2 rupe per piece ke hisaab se mil jaenge aur notebook cover jo ki teen se paanch rupay par unit mil jayenge.

Inke lie apko market talaashana hoga ki kahaan apko saste mein quality product milega product ki quality ke hisaab se price kam ya jyaada ho sakti hai, ab unit ke lie jaruri machine ke baare mein ham jaane to notebook ka production karne ke liye apko offset printing machine, folding machine, stitching machining aur cutting machining ki jaroorat hogi.

indiamart.com par apko ye sari machine mil jayengi lekin kisi bhi supplier se deal karne ke pahle machine ko dekh aaye aur kisi export ko apne sath lekar ke jaiye, online advance payment na kare apni aankhon se dekh parakh karke hi ordar kare aur koshish karen ki delivery ka kharcha bhi machine supplier se liya jaye.

sabse behatar to yahee hoga ki apne shahar ya rajya mein kisi manufacturer ko dhoondha jaye aur unki unit ko visit kiya jaye, isse apko practical knowledge milegee aur aap sahi machine raw material supplier tak pahunch payenge.

Sabhi machines ko chalaane ke liye apko unit mein kam se kam 50 kilowatt bijli ki jaroorat padegi, isliye apko ek commercial electric connection lena hoga aur power backup ka intezaam bhi rakhana hoga, unit ke lie jarur area aur space ke baare mein socha jaye to agar production large scale par ho raha hai to apko kam se kam ek hazaar square feet area ki jaroorat padegee, jisme aap school, collage aur office mein lagne wale sabhi tarah ke notebook bana payenge.

Agar production capacity kam hai toh 500 Square Feet se kaam ban jayega, agar apke paas jagah nahin hai to har mahine rent pe kharch hone vaale paise se apki investment aur badh jayegi.

Notebook kese banti hai?

Ab baat karte hain ki notebook kaise banaye jate hain, manufacturing unit mein jo raw material aaye hue hote hain vo jyaadaatar blank sheet hote hain sabse pahle unhen offset printing machine mein daal karke un par lines aur margins prints kar diye jaate hain, print hone ke baad folding machines se sheets ko fold kar liya jaata hai.

Folding machine ka kaam thoda lamba hota hai ek average size ka jo notebook hota hai use cutting se pahle chaar baar fold kiya jata hai, uske bad fold sheets ko cutting ke lie bheja jaata hai, jahaan par jaruri size ke hisaab se sheets ko cut kiya jaata hai, hardboard ki cuting bhi isi machine se hoti hai, katane ke baad aur packing se pahle notrbooks ko sila jaata hai aur unhen hardboard ke saath glue se chipaka diya jaata hai.

Taiyaar hue notebooks ko phir se packing ke lie bheja jaata hai, packaging ke lie notebooks ya copy ko plastic ke sheet mein heat dekar seal kar diya jaata hai, taaki unke kone na fate, dhool mittee na lage, unka nayaapan barakaraar rahe aur pani se vo na bheegen.

Banaye Gaye Notebook ki Marketing Kaise Karen?

Vaise yah jaanane ke baad ab marketing bhi bahut jaruri hai kyonki apka business tabhi aage badhega jab aap uski achchhe se marketing karenge, agar company ko brand ke taur par establish karna chaahate hain to aap media company aur advertising ke lie ja sakate hain, iske alaava apna social media pages bhi apko rakhana hoga bahut jaruri hai.

Local level ya apne rajya mein wholeseller aur retailer ko jodna, iske alaava bhi aap apne area ke school, collage, office, library, dukaanadaaron ko target kar sakte hain, already jo log notebook bech rahe hain vaise retailer aur bookstall ko aise price offer kijiye jinme unhen faida dikhai de aur vo apka product apne stall mein rakhe, iske alava bhi agar aap premium products banate hain to unhen online bhi bech sakte hain.

Agar aap online ja rahe hain to apni website bhi develop karwaye aur uspe apne saare products available rakhen, website pe company ki puri jankari, customer support, business enquiry ke option rakhe, website ko secure kar ke rakhen taki apka data safe rahen, vaise agar apke aasapaas koi youtuber ya social media influencer hai to aap unse apne product ki advertising bhi karava sakte hain.

Jahaan tak employment ki baat hai to manufacturing unit chalaane ke lie apko kam se kam 8 se 10 employees ki jarurat padegi, jinamen machine operate karavaane ke lie aap male aur thode halke kaam karane ke lie female ko appoint kar sakte hain. unki salary unke kaam experience aur skill par depend karengi.

Local level pe agar aap log hire kar rahe hain to rojagaar bhi badhega aur samaj mein apki pratishtha bhi, innovations ki baat karen to aaj kal customize cheejon ki bahut jyaada demand hai, isliye aap apne paas birthday, anniversary ya koi occasion ke lie customize notebooks aur copy delivery karne ki facility rakhiye.

Isse aap school-collage, corporate office ya individual ko target kar payenge, koshish karen product ka design, quality cover aur colour attractive ho isse bhi apko faida hoga, jaise jaise business badhta jayega aap apne brand aur trademark ko notebook ke cover pe showcase karne ke lie apni printing unit bhi lagava sakte hain.

Conclusion

Toh doston apko ye artice ye jankari kesi lagi is baare mein hamen apni rai jarur batayega, aage koi topic hai jiske baare mein aap jaanana chahte hain koi aur saval hai to please comment box me likh bhejiye, ham koshish karenge jald se jald us par article aap tak pahuncha de.

Iske alava jitne naye log aaj hamare blog par aaye hain, jo QuizerKing blog ka hissa banana chaahate hain to do kaam apko karne honge pahla kaam hai blog ko follow kar lijiye dusra kaam hai ki notification on kar lijiye taaki koi bhi naayi jankari kabhi bhi aap miss na karen, milenge  bahut jaldi hi tab tak ke liye like karte rahiye, share karte rahiye Thank you.

LEAVE A REPLY

Please enter your comment!
Please enter your name here