How to Start Pizza Shop?

0
121

Achchha ek baat bataeeye, pizza word sunakar aapko kya feel hota hai? oh muh mein pani aa jaata hai, khushaboo aane lagatee hai, pizza ki different varieties or taste feel hone lagta hai, hain na? bilkul jaise abhi ho rahe hain maine jaise hi iska naam liya, right? aur aisa to hoga hi na kyon ki pizza hamare lifestyle ka ek important aur tasty part ban chuka hai.

Aur phir online fast food order karne aur aksar bahar khane ka jo chalan badha hai bhai, usne toh na pizza ki value aur bhi jyada badha di hai. Ham ye bhi kah sakte hain ki ab toh har kise ke jubaan se pizza pizza hi sunayi deta hai. Tabhi to india mein pizza market bahut tezi se grow karata ja raha hai.

Ab aise mein agar aap apna koi profitable business shuru karne ke bare mein sochey toh pizza shop apake liye ek shaanadaar option ban sakata hai. Haalaanki iske liye agar aapko food business mein interest ho aur aap pizza ke baare mein kafi kuchh jaanate ho, toh jyada aasaan ho jayega, lekin agar aap ek smart businessman honge to iske bina bhi aap excellent pizza chef hire karke apne business ko grow kar lenge.

how-to-start-pizza-shop

Pizza Shop Open Kaise Karen?

Toh kya taiyaar hain apne pizza shop open karane ke liye? agar haan, to chaliye aaj ke iss article mein yahi jante hain ki aap kaise apna pizza shop shuru kar sakte hain, aur is pure procedure mein kaun kaun se important steps honge janate hain.

Yaha par na sabse pahle apko ye bata dete hai ki agar aap fast food quick service restaurants business mein entar hona chahate hain toh franchise modal se entar ho sakte hain, jiske liye quick service restaurants jaise ki Domino’s, Oven Story’s, Pizza Hut’s etc.

Franchise offer krate hain halanki ye aapke small business se kafi expensive pad sakte hain, lekin ye aapki choice hogi ki aapko ek established business ke franchise se profit kamana hai ya apne small business?

Toh chaliye ab chalte hain aapke pizza shop ke taraf aur janate hain ki ek successful pizza service business ko shuru karne ke liye aapko kya kya chaahiye hoga?

Step 1

Pehla step:- Sabse pahle apne pizza shop ke liye business plan taiyaar kijiye, jisme aapke business ke shuruaat se lekar future growth tak ka clear plan ho aur ise banaate samay in sare points ko bhi jaroor add kare, market size, market trends, competition, target market, expense aur management team etc.

Step 2

Dusra step:- Apne business ke strength ko highlight kijiye taaki aap market mein unique najar aaye aur isme fast and free delivery, unique recipe, secret sauces, first mover advantage, healthy menu option, prime location jaise features ho skate hain.

Step 3

Teesara step:- Apne business ko register karwaiye aur license lijiye, food business operator ke liye sabse important license ya registration hota hai, fssai yani Food Safety and Standards Authority of India ka food license, iske alava aapko state government ka state license chahiye hoga aur agar aap country ke different location par pizza chain operate krna chahte hain to aapko central license ke liye bhi apply karna hoga.

Isake alava aapko health license, trade license, eating house license, local municipal corporation se sign license aur shop established act ke andar registration aur business ke work structure ke according private limited company ya llp farm ke roop mein registration ki jaroorat bhi ho sakti hai.

Isliye business shuru karne se pahle hi sare jaruri license aur registration ke bare mein jankari hasil kar lein taki aapko baad mein koi bhi problem na aaye.

Step 4

Ab chauthe Step ki baat karte hain apni unique pizza recipe ko create kijiye. har street corner par pizza places to milne hi lage hain to aise mein aapke pizza ko unique aur tasty hona hoga uske high quality aur fresh ingredients ke sath aapko innovative pizza design par bhi focus krana hoga, ye sab clear kar lene ke baad hi aap apna menu teyar kar payenge, aur apne business ko shuru kar payenge isliye sirf vo setup ke bare mein sochte aur plan karte rahne ke alava apni recipe par bhi kijiyega.

Step 5

Aage badhate hain paanchaven step ki taraf apni pizza shop ki service style aur brand choose karen, ye depend karega ki aapke paas available startup funding, location aur aapke unique vision par jiske according aap apne pizza shop ke liye inmese koi bhi service style choose kar payenge, sit down iss tarah ka style customers ko jyada attract toh karta hai lekin isme aapko jyada investment k jarurat hogi.

Delivery pizza shop bahut se customers ke liye convenient option hota hai lekin isme delivery labor cost ki high price aa sakti hai aur delivery drivers ka safety ka risk bhi rah skta hai.

Agla option hai takeout ye sabse kam expensive option mein aata hai kyonki isme kam equipment, kam space, tableware etc. chahiye hote hain inme se apne liye suitable service style choose karne ke baad aap apne pizza ka brand choose kar sakte hain.

Lekin is time aapko yah dhyaan rakhna hoga ki aapke tasty pizza aur service style ke alawa aap apne brand ke through bhi aap apne customers ka dil jeet skte hain. Isliye ise apne hath se jane mat dijiyega aur iske liye aapko ye clarity rakhni hogi ki aap ek old fashion ever green pizza hub banana chaahate hain ya phir ek pizza spot, jo itaaliyan dishes ke liye famous ho.

Step 6

Aage hai chhatha step apne pizza shop ke liye location find out kijiye iske liye aisa place choose kijiye jo easily visible ho, jahan jadya se jyada crowd aata ho taaki aapko jaldi jaldi new customers mil sake, aur haa koshish kijie ki aapka pizza shop jahan ho vahan aise similar restaurants na ho halaanki healthy competition business ke liye achha rhta hai, lekin iska negative impact bhi aapke business par pad sakta hai.

Step 7

Aage hai saatavaan step apni shop ke liye loans aur funding arrange kare apne small business ke liye funding arrange karne se pahle aapko ye pata hona chaahiye ki aapko total kitna startup fund chaahiye hoga, isme aap business shuru se lekar ke next year ke budget ko bhi estiment karke chale, uske baad apni savings ko use karne ke alava startup loans ke liye apply kar sakate hain.

Step 8

aathavan step aapne pizza business ke liye equipment arrange kare ab yoon to aapke service style according aapko equipment chahiye hi honge, lekin phir bhi iss business ke liye kuch aise initial equipment hain, Refrigeration Equipment, Dough Preparation Equipment jaise ki Dough Sheeters, Dough Presses, Proofing Cabinets, pizza ovens jaise Conveyor Ovens, Impinger Ovens ya Pizza Deck Ovens.

Basic preparation supply jaise pizza cutters, cutting boards, Serving Utensils, aur serving supplies jaise pizza stands aur pizza delivery bags etc.

Step 9

nava step aata hai enthusiastic employee hire kijiye aapke employees hi aapke small business ka face banenge isliye yah jaruri hai ki vo aapke business ko best posible way mein represent karen isliye pizza chef toh apne field ke expert hone hi chahiye aur saath mein other employees aur workers bhi positive personality hoon.

Customers ka welcome karna aur unke sath comfortably interaction karna unhen aata ho aur pizza shop mein work karna unhen pasand bhi ho tabhi vo aapke business ko aage badhaane mein efforts laga payenge aur customers ko impress bhi kar payenge.

Vaise aapke pizza shop ki size aur service style ke according aapko book keeping, administrative task, marketing promotions, government regulations follow karne jaise bahut saare task complete karne ke liye staff ki jarurat hogi lekin staff selection apne budget ko dhyaan mein rakhkar ke karen taaki na to aap par financial barden aaye aur na hi aap bahut sare aise logon ko kaam par rakh le jo is business mein sahi tareeke se fit na baithe.

vaise aap chaahe to starting mein ye saare task khud bhi handal kar sakate hain aur business grow hone ke saath saath staff ko dheere dheere hire kar sakte hain aap jo bhi option choose karen, bas itana yaad rakhen ki aapka end goal excellent food aur excellent service provide karana hai.

Step 10

Ab aata hai dasavaan step jo hai apni new pizza shop ki marketing aur promotion bhi jarur karen apne business ko promote karna bhi bahut important hota hai isliye ise skip na karen, social media ka use karke apne pizza ke baare mein jyada se jyada foodies ko bataye agar possible ho apni ek appealing website banayen aur agar shuruaat mein aap aisa nahin kar sakte ho to business ke growth ke sath aisa kar lijiye.

Agar aap lo budget se shuru karna chahte hain to traditional marketing method jaise ki local daily news paper mein aur posters aur flyers ke throw aap ad kar sakte hain, online food delivery applications like zomato, food panda, swiggy etc. se tie-up kar lijiye, discount aur great deal jaise offer se new customers ko attract kijiye aur aap chaahe to corporate office se bhi bulk party orders ke liye tie up kar sakte hain.

Yani marketing aur promotion ke bhi bahut sare options hain, jinme se aap chaahe to shuru mein kam budget wale option se start kar le lekin karen jarur aur is tarike se sahi planning aur sahi purpose ke sath shuru kiya gaya business apko success jarur dilayega iska hamen yakeen hai aur phir yahaan to baat pizza ki hai, jise aap jitna jyada taste aur uniqueness ke sath offer karenge, utna hi jyada use pasnd kiya jayega isliye quality se compromise kiye bina grow karne ke liye taiyaar ho jaiye.

Conclusion

Agar yah article aapke liye helpful raha ho to ise jaroor se like karen bilkul jaise aap pizza ko like karte hain, ise apne sare doston ke saath share bhi jaroor kijiye jo pizza lovers hain aur is tareeke ka business shuru karne ke baare mein aksar sochte rahte hain. tab tak ke liye jald milenge bahut jaldi hi dhanyavaad.

LEAVE A REPLY

Please enter your comment!
Please enter your name here