Ab wese toh ye sawal bahut common hai ki kya apko music pasand hai lekin fir bhi ye sawal puchana jaruri hai kyuki aaj ka article iss sawal par depend karta hai, agar aap kah rahe hain ki haa apko music bahut pasand hai toh dusra sawal kya aap music ke liye passionate hain.
Kya apko tracks ke mixing par crazy hokar jhumnte gate crowd ko dekhna bahut achha lagta hai ya kya 1 Dj banane ka thought apko excited kar deta hai or kya aap India ke top Dj jaise Nucleya Dj, Yk Dj or Dj Shaan ke follower hain agar haa toh Dj banane ke apke chances kafi bright hain.
Aap music ko ek dj ki tarah enjoy karte hain or iske liye fully excited or dedicated bhi hain aise me agar aap janana chahte hain ki Dj ka kaam kya hota hai uske andar konse skill ki jarurat hoti hai or iss career ka scope or progress kese hoti hai.
Toh aaj ka ye article apki bahut help kar skta hai kyuki aaj hum apko Dj banane se judi sari jankariyan dene wale hain toh article ko last tak exactly sahi samjhe jarur padhiyega. Toh chaliye shuru krte hain or Dj ke bare me jante hain kuch basic but important bateein.
DJ Kon Hote Hain or Inka Kam Kya Hota Hai?
DJ yani DISC JOCKEY, Events ke liye music create krte hain jiske liye bahut sare se jondra & tracks ko combine kiye jate hain, iske liye kai sare equipment jaise ki Turntables, Mixers, Graphics Equalizer & Tape Decks ka istemaal kiya hai.
Generally DJ aise professionals hote hain jo clubs or party me pre-recorded music play karte hain, lekin inka kam itna bhi aasan nhi hota hai. Bhala Crowd ko music ke beat par jhumte rahna koi aasan kam ho skta hai, bilkul bhi nhi balki ye toh ek tarah ka unique talent hai.
DJ ke different types hote hain jaise Club Dj, Mobile Dj, Resident Dj, Ratio Dj or Performance Dj etc. Yani apne interest ke base pe inme se kisi type me aap apna naam bna skte hain.
Aur ab jante hain ek Dj banane ke liye apko konse skillset hona jaruri hai, sabse pahle toh apke pass achhe music ka sense hona chahiye, apko Equalization, Beat-matching, juggling, Audio mixing se familiar hona chahiye.
Apke inter personal skill excellence honi chahiye, aap me right time par time track play karne ka bhi sense hona jaruri hai, apke andar music mixing ka creative talent hona chahiye.
Aur logo ko entertain engage rakhne ke liye stamina, energy or enthusiasm bhi toh hona jaruri hai, toh inn sare skill ke bare me janane ke bad Dj banane ke liye criteria kya hota hai wo bhi jaan lete hain.
DJ Banane ka Criteria Kya Hota Hai?
DJ banane ke liye apko sabse pahle aisa music passion or aisa music sense hona jaruri hai jo apko competition word me ek strong competitor bna saken, iske alwa music ke technical aspects bhi ana jaruri hai.
DJ ke position ke liye kai jagah bachelor degree bhi required hoti hai jabki kai jagah experience ko preference di jati ha, aise me FM ratio channel par inturns ke roop me experience lena bhi apke liye madadgar ho skta hai, profitable ho skta hai.
Aur journalism or communication me bachelor degree rakhne wale candidates ko bhi extra advantage mil skta hai, baki toh apka talent hi apko apke desire position tak pahucha sakega.
Isliye agar aap chahte hain ki apko asani se popular DJ ka kitaab mil jaye toh aap criteria ka dhyan rakhne ke sath sath aap inn steps ko bhi follow kar skte hain.
Step 1 – Pahla step hai practice kijiye, sabse pahle DJing kya hai or DJ ka real work kya hota hai ise samjhiye or agar aap ek achha DJ banana chahte hain toh mixing techniques ko achhi tarah samjhye.
Song ko mix kar ke high pass or low pass filter jesi eq ka use kar ke mix karne ka try karen, DJ software ka use krna, Playlist banana, beat matching techniques, bar counting jesi basic skills ko sikhiye.
Step 2 – Dusra step hai apne liye best dj type choose kijiye, DJing ka basic learn karne ke sath sath apko apne liye DJ ka right type bhi select kar lena chahiye, Kyuki Dj industry me kai types ke dj hote hain jinme kai difference hota hai.
Isliye aap decide kijiye ki aap club dj banana chahte hain ya wedding & corporate dj banana chahte hain ya fir aap radio dj ya event dj banane ka irada rakhte hain isbare me clear choice banaye or usi dj type ko aage learn kijiye.
Step 3 – Tisara step aata hai apna music produce kijye, aaj ke time agar aap iss industry me dur tak jana chahte hain toh dj hone ke sath sath music producer bhi hona jaruri hai, aisa compulsory toh nhi hai lekin ek popular or established dj banane ke liye apko music production bhi jarur se sikhna chahiye.
Agar apka good music sense hoga toh music creation me youtube tutorials bhi apki kafi help kar denge.
Step 4 – Chotha step hai dj course kijiye, DJ banane ke liye koi full time course toh nhi hai lekin kai training center or private institutes aisi training provide karate hain, Aap chahe toh apne skill or knowledge ko enhance karne ke liye aisa course kar skte hain or aise kuch courses hain.
DJ Foundation course, certified Dj course, diploma dj course, professional dj course, electronic music production course, diploma in audio engineering & DJing etc. Inn courses e generally ye sare content cover kiye jate hain.
Music Theory, Beat Matching, Console & Equipment, Digital Software, Event Management, Mixing, Mix Production, Recording, Music Genre, Marketing or aise institute jo dj course provide karte hain.
Unke naam hain, Electronyk Academy, Delhi, I Love MUsic Academy, Gurugram, Lost Stories Academy, Mumbai, Jazzy Joe, Delhi, Spingurus Academy, New Delhi, Asian Academy of Films and Televison, Noida, Skratchlab DJ Academy, Chennai, RamojiKrian Universe, Hydrabad or Global DJ Academy, Mumbai.
Bahut se institute 2 se 3 mahine ke courses offer karte hain ye duration 6 mahine bhi ho skti hai or in courses ki cost 20 se 40 hazar rupay tak ho skti hai.
Step 5 – Ab aata hai panchwa step jo hai marketing, Dj course krne ke bad aap ek professionals ki tarah aap marketing or branding bhi kar skte hain, Jiske liye apko artist name or logo create krna chahiye, or same username sare socialmedia par accounts banane chahiye.
Apna impressive bio teyar krna chahiye or EPK yani Electronic Press Kit bhi teyar karni chahiye apko other music producers or DJs ke sath contact me bhi rahna chahiye or apna strong network banana chahiye.
Youtube par tutorial post kar bhi aap famous ho sakte hain or is tarike se aap in sare steps ko follow kar ke aap bahut asani se ek badhiya Dj ban skte hain, or agar apke efforts extra ordinary honge toh aap ek popular famous dj bhi ban skte hain isliye koshish toh best ki hi kijiyega yani aisa dj banane ka ki jiska naam sunkar hi crowd jhumne lag jayen.
Conclusion
Ab jaate jaate apko ye bhi bta dete hain ki ek Dj banane ke bad apko milne wali expected salary 20 se 40 hazar rupay per event ho skti hai ye earning amount dj ki popularity ke according bahut vary bhi krta hai, or ho skta hai shuruwat me apko thoda kam amount offer kiya jaye kyuki aap iss profession me naye honge.
Isliye shuruwt me thode struggle or extra effort ke liye teyar bhi rahiyega, kyuki naam kamane me thoda toh time lagta hai or agar ye article ye jankari apko achhi lagi toh please comment kar ke aap apna bahut sara pyar hame jarur dikhayen.